#अटो_दुर्घटनामा एक जनाको मृत्यु, चार घाइत
ताजा सुचना
समय ठिक 6 :00
सभादाता
पर्वत, फलेवास | पर्वतको फलेवास नगरपालिका–१० कुर्घामा आइतबार दिउँसो अटो दुर्घटना हुँदा एक जनाको मृत्यु भएको छ भने चार जना घाइते भएका छन्।
प्रहरीका अनुसार लुङ्खुदेखि बाच्छातर्फ जाँदै गरेको ध १ ह ६१ नम्बरको अटो करिब दिउँसो २ः३० बजे ओरालो सडकमा चालकले नियन्त्रण गुमाउँदा सडकबाट करिब १० मिटर तल खसेर दुर्घटनामा परेको हो।
दुर्घटनामा घाइते भएका बिहादी गाउँपालिका–१ बाच्छा देउराली निवासी ४९ वर्षीय प्रेमबहादुर विकको उपचारका क्रममा मृत्यु भएको प्रहरीले जनाएको छ।
अटो चालक फलेवास–११ पाङराङ निवासी ३६ वर्षीय मनबहादुर परियारसहित २४ वर्षीया कविता विक, २५ वर्षीया अञ्जुली विक र १३ वर्षीया दुर्गा विक घाइते भएका छन्। उनीहरूको प्रदेश अस्पताल कुश्मामा उपचार भइरहेको छ। चालक परियारको बायाँ ढाड र काँधमा भित्री चोट लागेको भए पनि अवस्था सामान्य रहेको बताइएको छ।
घटनाबारे थप अनुसन्धान भइरहेको प्रहरीले जनाएको छ।
