गरिमा चौधरीलाई न्यायको माग गर्दै पोखरामा पनि प्रदर्शन

गरिमा चौधरीलाई न्यायको माग गर्दै पोखरामा पनि प्रदर्शन (तस्बिरहरू)
ताजा सुचना
समय 3:30
सभादाता
पोखरा, भदौ ६ । बाराकी ३ वर्षीया बालिका गरिमा चौधरीको घटनामा न्यायको माग गर्दै पोखरामा पनि प्रदर्शन गरिएको छ। शनिबार पोखराको मानवअधिकार चोकमा युवा–युवतीहरूले विभिन्न नारा लेखिएका प्लेकार्डसहित प्रदर्शन गर्दै निष्पक्ष अनुसन्धान र दोषीमाथि कडा कानुनी कारबाहीको माग गरेका हुन्।
प्रदर्शनकारीहरूले बालबालिकामाथि हुने हिंसा तथा जघन्य अपराध नियन्त्रणका लागि राज्य गम्भीर बन्नुपर्ने बताएका छन्। उनीहरूले पीडित परिवारले न्यायको अनुभूति हुने गरी घटनाको निष्पक्ष अनुसन्धान र प्रभावकारी कानुनी प्रक्रिया अघि बढाउन सम्बन्धित निकायको ध्यानाकर्षण गराएका छन्।
पोखरामा भएको प्रदर्शनले बालबालिकाको सुरक्षा तथा महिला र बालिकामाथि हुने हिंसाविरुद्ध समाजमा थप गम्भीर बहस आवश्यक रहेको सन्देश दिएको सहभागीहरूको भनाइ छ। प्रदर्शनकारीहरूले यस्ता घटनाविरुद्ध निरन्तर आवाज उठाउने प्रतिबद्धता समेत जनाएका छन्।
तस्बिर: कुस्मि सेरा खबर . com ताजा
प्रकाशन: कुस्मीसेरा खबर डटकम