कृष्ण अखेली र पूर्णकला बिसीको तीज गीत ‘दिदी भाइ’ सार्वजनिक
ताजा सुचना
समय ७: १२
सुजन अाचार्य
काठमाडौं । नेपाली लोक तथा तीज संगीतका लोकप्रिय गायक कृष्ण अखेली र पूर्णकला बिसीको स्वरमा रहेको नयाँ मौलिक तीज गीत ‘दिदी भाइ’ सार्वजनिक भएको छ।
दिदी–भाइबीचको आत्मीय माया, स्नेह र पारिवारिक सम्बन्धलाई केन्द्रमा राखेर तयार पारिएको गीतले नेपाली समाजको मौलिक संस्कार र तीज पर्वको वास्तविक भावनालाई प्रस्तुत गरेको छ। गीतमा कृष्ण अखेलीको संगीत तथा शिव अखेलीको शब्द रहेको छ।
मायालु संवाद, पारिवारिक अपनत्व र दिदी–भाइको भावनात्मक सम्बन्धलाई गीतमार्फत् प्रस्तुत गरिएको निर्माण पक्षले जनाएको छ। पछिल्लो समय तीज गीतमा देखिएका विभिन्न शैलीभन्दा फरक, मौलिकता र पारिवारिक भावनालाई प्राथमिकता दिइएको यो गीत दर्शक–श्रोतामाझ लोकप्रिय बन्ने अपेक्षा गरिएको छ।
तीजको अवसरमा आएको ‘दिदी भाइ’ गीतले दिदी–भाइको अटुट माया र नेपाली पारिवारिक संस्कारलाई अझ जीवन्त बनाएको छ।
