बास्टारीका लोकगायक डिल्ली पौडेलः स्थानीय माटोको सुगन्ध बोकेर संगीत यात्रा मा
ताजा सुचना
समय 12″50
सुजन अाचार्य
बागलुङ, जैमिनी–१ । बागलुङको जैमिनी नगरपालिका–१ बास्टारीका डिल्ली पौडेल स्थानीय लोकसंगीत क्षेत्रमा आफ्नो छुट्टै पहिचान बनाउन सफल गायक हुन्। गाउँघरको परिवेश, स्थानीय संस्कृति र नेपाली मौलिकतालाई गीत–संगीतमार्फत प्रस्तुत गर्दै पौडेलले आफ्नो सांगीतिक यात्रा अघि बढाइरहेका छन्।
पौडेलको स्वरमा सार्वजनिक भएको ’ गीतले उनको सांगीतिक यात्रालाई थप चिनाएको छ। डिल्ली पौडेल र सुनिल केसीको प्रस्तुति रहेको उक्त गीतमा शिव अखेलीको शब्द तथा लय र तारानाथ आचार्यको एरेन्ज रहेको छ। गीतमा नवीना सुवेदीलगायत कलाकारको पनि स्वर रहेको छ।
पौडेलका यसअघि ‘छ छैन मायाले बाटो देखेको’ र‘बोडी र तरुल’ केतुकी हेरिनाै फेर्केर भने जस्ता गीत तथा एल्बम पनि सार्वजनिक भइसकेका छन्। उनका सिर्जना र प्रस्तुतिले जैमिनी क्षेत्रको स्थानीय कला तथा संस्कृतिलाई संगीतको माध्यमबाट बाहिरी संसारसम्म पुर्याउन योगदान गरिरहेका छन्।
‘केतुकी’ गीतको छायांकनसमेत जैमिनी क्षेत्रकै कुश्मीसेरा बजार, बिनामारे र बास्टारीमा गरिएको तथ्यले स्थानीय कलाकार र स्थानीय परिवेशबीचको सुन्दर सम्बन्धलाई देखाउँछ।
स्थानीय प्रतिभालाई प्रोत्साहन गर्दै अगाडि बढिरहेका डिल्ली पौडेल जैमिनीको सांगीतिक पहिचानलाई अझ फराकिलो बनाउन सक्ने सम्भावना बोकेका कलाकारका रूपमा देखिन्छन्। आगामी दिनमा पनि मौलिक लोकसंगीत र स्थानीय संस्कृति संरक्षणमा उनको योगदान अझ प्रभावकारी बन्ने अपेक्षा गरिएको छ
