ताजा सुचना

शान्ति उच्च माध्यमिक विद्यालय नयाँ विद्यार्थीलाई स्वागत गरेको
ताजा सुचना
समय ठिक ३ ;35
सुजन अाचार्य

बागलुङ, जैमिनी — बागलुङ जिल्लाको जैमिनी नगरपालिका–१ को केन्द्रमा रहेको श्री शान्ति उच्च माध्यमिक विद्यालयमा कक्षा १२ का विद्यार्थीहरूले नयाँ शैक्षिक सत्रमा कक्षा ११ मा भर्ना भई आएका विद्यार्थीहरूलाई विशेष कार्यक्रम आयोजना गरी स्वागत गरेका छन्।

विद्यालयमा आयोजित स्वागत कार्यक्रममा कक्षा १२ का विद्यार्थीहरूले नवआगन्तुक विद्यार्थीहरूलाई फूल, शुभकामना तथा आत्मीय स्वागतका साथ विद्यालय परिवारमा स्वागत गरेका थिए। कार्यक्रममा विद्यार्थीहरूबीच परिचय आदानप्रदान गर्नुका साथै कक्षा ११ का विद्यार्थीहरूको शैक्षिक यात्राको सफलताको कामना गरिएको थियो।

स्वागत कार्यक्रममा बोल्ने विद्यार्थी प्रतिनिधिहरूले कक्षा ११ मा नयाँ आएका विद्यार्थीहरूलाई अनुशासन, लगनशीलता र निरन्तर मेहनतका साथ अध्ययन गर्न आग्रह गरेका थिए। साथै विद्यालयको शैक्षिक, सामाजिक तथा अतिरिक्त क्रियाकलापमा सक्रिय सहभागिता जनाउँदै उज्ज्वल भविष्य निर्माण गर्नुपर्नेमा जोड दिएका थिए।

नयाँ विद्यार्थीहरूले पनि कक्षा १२ का विद्यार्थीहरूले गरेको आत्मीय स्वागतप्रति खुसी व्यक्त गर्दै विद्यालयको मर्यादा कायम राख्दै राम्रो शिक्षा हासिल गर्ने प्रतिबद्धता जनाएका थिए।

विद्यालय परिवारले समेत विद्यार्थीहरूबीचको आपसी सद्भाव, सहयोग र भाइचाराको भावना विकास गर्न यस्ता कार्यक्रमले महत्वपूर्ण भूमिका खेल्ने विश्वास व्यक्त गरेको छ।

कक्षा १२ का विद्यार्थीहरूले गरेको यो आत्मीय स्वागतले श्री शान्ति उच्च माध्यमिक विद्यालयमा नयाँ उत्साह र सकारात्मक शैक्षिक वातावरण सिर्जना गरेको छ।

बागलुङको भैरवस्थानमा मनाइयो हरेलो मेला
मेलामा परम्परागत तरबार नाच, विभिन्न लोकगीत, भजन तथा चुड्कासमेत प्रस्तुत गरिन्छ ।

भाद्र २, २०८३
बागलुङ नगरपालिका–१२ स्थित कालभैरव मन्दिरमा नागपञ्चमीपछिको भदौ पहिलो मंगलबार सयौं वर्ष पुरानो हरेलो मेला सम्पन्न भएको छ।
वर्षे खेतीपछि रोगकिरा नलागोस् र सहकाल लागोस् भन्दै किसानहरूले भैरवको पूजा गरे भने मेलामा तरबार नाच, लोकगीत, भजन तथा चुड्का प्रस्तुत गरियो।
स्थानीयले झण्डै तीन सय वर्षदेखि नियमित पूजा गर्दै आएको भैरवस्थानलाई मौलिक मेलाका रूपमा विकास गर्न मन्दिर व्यवस्थापन समितिले पहल गरिरहेको छ।
बागलुङ — वर्षे खेती लगाइसकेपछि रोग किरा नलागोस् भन्दै खेतबारीमा चरा, ध्वजापतंगा बनाउँदै भैरवको पूजा गरी यहाँ हरेलो मेला सम्पन्न गरिएको छ ।

नाग पञ्चमीपछिको भदौको पहिलो मंगलबारको अवसर पारेर सयौं वर्षौंदेखि यहाँ हरेलो मेला लगाउने चलन छ । बागलुङ नगरपालिका–१२ स्थित प्रसिद्ध कालभैरव मन्दिरमा हरेलो मेला लगाइएको हो ।

भैरवस्थान मन्दिर व्यवस्थापन समितिले हरेलोलाई मौलिक मेलाका रूपमा विकास गर्ने लक्ष्यले यहाँ विधिपूर्वक पूजा गर्न आधा दर्जन गाउँका सयौं बासिन्दा मंगलबार भैरवस्थान पुगेका थिए । काठमाडौं, पाल्पा र बलेवाका भैरवको पूजालाई विशेष मानिंदै आइएको छ । यो मेलामा परम्परागत तरबार नाच, विभिन्न लोकगीत, भजन तथा चुड्कासमेत प्रस्तुत गरिन्छ । खेतीपाती लगाएर सकेका किसानहरू सहकाल लागोस् भन्दै भैरवको पूजा गर्न यहाँ पुग्ने गर्छन् ।